Fljótlegur og gómsætur pastaréttur

íslensk heimili er mjög hrifið af uppskriftum sem taka ekki of langan tíma að útbúa...
Eftir smá tilraunastarfsemi í eldhúsinu þá varð úr þessi gómsæti pastaréttur, sem hver og einn getur útbúið.

Það sem þarf er:  

2 bollar spelt pasta

grænt pestó

konfekt tómatar

paprika

gúrka

spínat og/eða blandað salat

furuhnetur

parmesan

hvítlauksolía

five pepper blend

Aðferð:          

Byrjið á því að sjóða pastað, þegar pastað er tilbúið þá er það sett í skál, 2-3 matskeiðar af grænu petói hrært saman við, sletta af hvítlauksolíu og piprað með five pepper blend eftir smekk.

Því næst er pastanu skellt inn í ísskáp og kælt.

Meðan pastað er að kólna, þá er gott að rista furuhneturnar á pönnu, þar til þær verða gylltar.

Ég notaði næstum hálfan poka, því þær eru svo góðar.

Hálf stór rauð paprika er skorin í bita, ásamt gúrku og konfekttómötunum. Þegar pastað er orðið vel kælt, þá er öllu grænmetinu og furuhnetunum bætt við og að lokum spínati og/eða káli og öllu hrært vel saman. Gott er að bæta smá parmesan yfir þegar pastað er komið á disk, og aðeins meira pestó.

Þeir sem kjósa að fá sér brauð með þá er gott að taka heilsusamlegt brauð, smyrja með smá rjómaost, hvítlaukssalt og ost og skella í grill.

Verði ykkur að góðu!

Fresh fruit boozt og powerbar

þá er 2015 gengið í garð og mörg heimili komin aftur í fasta rútínu...

Skóli og vinna tekin við eftir ágætis hátíðarfrí, og eflaust margir farnir að huga að því að taka heilsuna í gegn eftir jólasukkið, ekki satt?

Á mínu heimili er boozt vélin farin í gang aftur og heimagerðar orkustangir in the making...

nú skal heilsan tekin í gegn og mataræðið með því að sjálfsögðu.

íslensk heimili er með einstaklega ljúffenga uppskrift af boozt og orkustöngum, sem er auðvelt að grípa með sér í vinnuna eða skólann, eða sem millimál.

 Fresh fruit Boozt

ein lúka af frosnum ananasbitum

ein lúka frosnum eplabitum

hálft passionfruit (ástaraldinn)

skvetta af goji berry safa

smá vatn

klaki (ef vill)

Aðferð

þessu er öllu hrært vel saman í blandara..

og útkoman er einstaklega ljúffengt boozt, stútfullt af vítamínum,

og hann bragðast alveg einsog nammi...

Powerbar

1 bolli lífrænt hnetusmjör

2/3 bolli hunang

1/2 bolli brædd kókosolía

2 bollar tröllahafrar frá sollu

2 bollar af heslihnetum, salthnetum, möndlum og kókos (eða þín eigin blanda, má einnig nota þurrkaða ávexti og fræ)

1 plata dökkt súkkulaði 

Aðferð

Blandið saman hnetusmjöri, kókosolíu og hunangsolíu í potti og bræðið saman.

Slökkvið undir og hellið höfrunum útí og 2 bollum af ykkar blöndu.

hrærið vel og hellið síðan blöndunni í form, gott er að setja bökunarpappír fyrst, svo það sé auðveldara að ná því úr.

Setjið saxaðað súkkulaðið yfir og meiri kókos ef þið viljið...

setjið formið í kæli í u.þ.b tvo tíma, skerið síðan í bita og njótið.

Gott er að geyma í frysti eða kælinum.

Nordic design í Norður sjálandi

Innlit í fallegt hús í Norður sjálandi.

í Norður sjálandi búa hjónin Helle Tuborgh og Torberg Nielsen, þau urðu ástfangin af húsinu fyrir fjórum árum síðan, og hafa komið sér einstaklega vel fyrir. Húsið er staðsett nálægt ströndinni, þannig að frá næstum öllum herbergjunum í húsinu má sjá sjóinn.

Þeim finnst alltaf tilvalið að byrja að skreyta húsið fyrstu helgina fyrir aðventu, og byrja á að setja útiseríu utaná húsið, því þeim finnst svo notalegt hvernig það lýsir upp húsið.

Svo finna þau köngla, mosa, epli og fleira í náttúrnni og fara með það inn og nota í skreytingar.

Og auðvitað fer öll fjölskyldan saman og heggur tré í skóginum, sem er síðan fallega skreytt.

Jólaálfarnir eru frá Maileg,  Luktin kemur frá frakklandi og hornin hornvarefabrikken.

 Húsið er afar smekklega innréttað, og öll smáatriði vel úthugsuð. rúmteppi og koddar koma frá city north og eru seld hjá cahetu.com.

 Helle er dugleg að baka fyrir jólin, og svo býr hún til sinn eigin aðventukrans, mosann sótti hún úti í náttúrunni og litli fuglinn kemur frá illums bolighus. einstaklega smart aðventuskreyting.

Hlýleg og falleg stofan, sófaborðið er einstaklega smart og viðargólfið. 

Fjölskyldan hefur það huggulegt um jólin, sefur út og er á náttfötunum þar til lyktin af öndinni leikur um húsið, þá fer fjölskyldan í sitt fínasta dress, fer í kirkjuna og kemur síðan heim og nýtur jólanna.

10 flottar Aðventu skreytingar

Núna fer aðventan að detta í garð og desember mánuður tekur á móti okkur í næstu viku.

Vonandi verðum við svo heppin að fá smá jólasnjó.

verð að viðurkenna að ég dett ekki í jólaskap fyrr en jólasnjórinn kemur og 

svo er algjört möst að kúra uppí sófa með jólamynd í tækinu.

Við skulum skoða nokkrar hugmyndir af aðventu skreytingum, það sem er svo gaman

við að gera aðventu skreytingu er að í dag eru þetta ekki þessir hefbundnu kransar, margir farnir að útbúa þá bara á sinn hátt...

t.d með því að mála tölustafina 1,2,3,4 á háar fallegar flöskur og setja kerti í þær.

eða nota gamla blómapotta sem sitja á hillu í geymslunni. skreyta þá aðeins og þá er komin þessi fallega aðventuskreyting.

Við skulum skoða nokkrar skemmtilegar hugmyndir...

svo er bara um að gera að skella í eina skreytingu.

Gleðilega aðventu...

Uppskrift - Lasagna súpa

• 
  
• Mig langaði til að deila með ykkur uppskrift af mjög einfaldri og góðri lasagna súpu.
• Öll ættum við að þekkja gamla góða lasagnað en hvernig væri að breyta svolítið til og gera lasagna súpu, hún er létt í maga en mjög matarmikil.
• Tekur u.þ.b klukkutíma að matreiða og hægt er að borða hana daginn eftir.
• 
  
• Þessi uppskrift er fyrir 8 manns en alltaf hægt að minnka hlutföllin.
• 
  

• 1 pakki af hakki u.þ.b 1 kg
• 1/2 bolli skorinn gulur laukur
• ein græn eða rauð paprika skorinn í bita
• 4 hvítlauksrif söxuð smátt
• 4 bollar vatn
•  1 - 2 klar bouilion kraft 
• 1 dós saxaðir tómatar
• 1 dós tómatar sósa (gott að nota hunts four cheese sósu)
• 1 matskeið ítölsk kryddblanda
• 1 teskeið salt
• 1/4 teskeið svartur pipar
• 1 teskeið hvítlaukssalt
• 1/4 teskeið mulinn rauður pipar eða chilli flakes
• 1 teskeið þurrkaður basil
• 8 lasagna plötur brotnat niður í stærðir á við munnbita
• 3/4 bolli  rifinn parmesan ostur
• 1 1/2 bolli  skorinn mozarella ostur
• (alltaf hægt að bæta við kryddi, misjafnt eftir smekk hvers og eins)

Aðferð

1. Takið stóran pott og steikið kjötið, laukinn, paprikuna og hvítlaukinn. bætið síðan tómötunum og tómat sósunni (t.d hunts four cheese mjög góð í lasagna)vatn, kraft og kryddinu,  fáið suðuna upp og látið sjóða í u.þ.b 2 min, lækkið síðan hitann og látið malla í u.þ.b 30 min. Gott er að hræra vel í pottinum, svo súpan brenni ekki við botninn.
2. Bætið lasagna bitunum ofaní súpuna og látið malla í 15 min.
3. Núna ætti súpan að vera tilbúin, bætið parmesan osti við setjið í skálar og setjið ferskan mozarella ost ofaná súpuna. Gott er að bera fram með súdeigsbrauði eða hvítlauksbrauði. Verði ykkur að góðu.

Heitasta trendið

Heitasta trendið þessa dagana eru svona hangandi stólar.

Þeir eru ótrúlega smart og lífga verulega uppá stofuna.

Þeir koma í ýmsum útfærslum en íslensk heimili er hrifnast af þeim úr basti,

brúnir,svartir og hvítir með kósý púðum, eða gæru.

Það væri ekki amalegt að slaka á í svona stól eftir annasaman dag.

Kíkjum á nokkrar úrfærslur.

Yndislegur epladesert með lakkrís

Fann þennan yndislega epladesert með lakkrís fyrir fáeinum dögum.

þessi er alveg tilvalin í matarboðið, en þessi uppskrift er fyrir fjóra.

Held bara að þessi eigi eftir að slá í gegn....

Verði ykkur að góðu!

Uppskrift fyrir fjóra

 Lakkrís marengs stangir (sirka 35 stykki )

 40 g eggjahvíta

 85 g flórsykur

Johan Bülow Raw Liquorice Powder (fæst í Epal)

Lakkrískrem

150 g mascarpone

30 g Flórsykur

1-1,5 matsk Johan Bülow Salty Liquorice Syrup (fæst í epal)

2,5 dl rjómi

Eplablandan
600 g epli
2 matsk. vatn

Aðferð

Lakkrís stangirnar

Eggjahvíturnar hrærðar þangað til stífar, Flórsykrinum síðan bætt smátt og smátt útí. Hrærið í u.þ.b 5 min. Setjið marengsinn í sprautupoka með 6 mm mjóum stút.  og sprautið á bökunarplötu í 14 cm lengjur, stráið síðan lakkrís powder yfir. Bakið við 90 gráður í klukkutíma á neðstu hillunni, þegar þær eru tilbúnar látið þá kólna á bökunarplötunni. Geymið þær í góðu boxi.

Eplablandan

Skrælið eplin og skerið í litla teninga, skelli þeim á pönnu og bætið vatninu við.

Látið malla í 15 min við meðalháan hita. blandan á ekki að vera alveg silkimjúk, heldur með smá bitum...

lakkrískremið

Þeytið mascarpone, flórsykri og lakkrís sírópinu saman. því næst þeytið rjómann, hellið honum síðan við mascarpone blönduna, og hrærið létt.

Berið desertinn fram í háum glösum, hellið smá eplablöndu í glasið, því næst lakkrískreminu, aftur eplablöndu og ljúkið með öðru lagi af lakkrískremi.

Myljið nokkrar lakkrísstangir og stráið ofaná ...

og bætið nokkrum heilum lakkrís stöngum í glasið.

Þá er kominn yndislegur epladesert með lakkrís.

Algjört nammi....